SHURUUDAHA ISTICMAALKA (TERMS OF USE)
Theory Pass Academy
Dhaqan-gal: Luulyo 2026
Ku soo dhawoow Theory Pass Academy.
Markaad samaysato account ama aad iibsato koorsadayada waxaad oggolaatay dhammaan shuruudaha hoos ku qoran.
1. HAL ACCOUNT = HAL ARDAY
Account kasta waxaa isticmaali kara hal qof oo keliya.
Lama oggola:
- In password-ka lala wadaago.
- In account-ka lala wadaago.
- In laba qof ama ka badan ay isticmaalaan hal account.
- In account-ka la iibiyo ama la wareejiyo.
- In account-ka loo isticmaalo xarun waxbarasho ama koox.
Theory Pass Academy waxay xaq u leedahay inay hakiso ama gebi ahaanba xirto account kasta oo lagu ogaado ama si macquul ah loogu tuhmo inuu jebiyey qodobkan.
2. PASSWORD-KAAGA ADIGAA MAS'UUL KA AH
Password-kaaga waa sirtaada.
Haddii aad password-kaaga ama login-kaaga siisid qof kale, adiga ayaa qaadaya dhammaan mas'uuliyadda wixii lagu sameeyo account-kaaga.
3. LA SOCODKA ACCOUNT-KA
Si loo ilaaliyo xuquuqda Theory Pass Academy iyo amniga koorsada, waxaan xaq u leenahay inaan dib u eegno xogta farsamo ee la xiriirta isticmaalka account-ka.
Waxaan dib u eegi karnaa:
- Taariikhda login-ka
- Nooca qalabka
- Browser-ka
- Cinwaanka IP-ga (marka la heli karo)
- Goobaha laga soo galo
- Waqtiga isticmaalka
- Login-yo badan
- Dhaqdhaqaaq aan caadi ahayn
Haddii la ogaado ama si macquul ah loo tuhmo in account-ka lala wadaagayo ama loo isticmaalayo si ka baxsan shuruudahan, Theory Pass Academy waxay xaq u leedahay inay baarto arrinta oo ay hakiso ama gebi ahaanba u xirto account-ka.
4. MAMNUUC
Waxaa si adag loo mamnuucay:
❌ Wadaagista password-ka.
❌ Wadaagista account-ka.
❌ Screen recording.
❌ Screenshot u qaadista casharrada si loo qaybiyo ama loo faafiyo.
❌ Sawir ama muuqaal ka duubista casharrada iyadoo la adeegsanayo qalab kale.
❌ Nuqul ka samaynta casharrada.
❌ Soo dejinta ama qaybinta PDFs.
❌ Qaybinta su'aalaha.
❌ Faafinta casharrada YouTube, Telegram, WhatsApp, Facebook, TikTok, Discord ama meel kasta oo internet-ka ah.
❌ Isticmaalka AI, bots ama adeeg kasta oo kale si dib loogu soo saaro, loogu ururiyo ama loogu qaybiyo casharrada, su'aalaha ama wax kasta oo ka tirsan Theory Pass Academy.
5. COPYRIGHT
Dhammaan waxyaabaha ku jira Theory Pass Academy waxaa leh Theory Pass Academy.
Waxaa ka mid ah:
- Videos
- Casharro
- PDFs
- Sawirro
- Su'aalo
- Imtixaanno
- Sharaxaado
- Naqshado
- Calaamadda Theory Pass Academy
- Qaabka koorsada
Lama oggola in la:
- Daabaco
- Nuqulo
- Faafiyo
- Iibiyo
- Dib loogu isticmaalo koorso kale
- Lagu daabaco website kale
iyada oo aan oggolaansho qoraal ah laga helin Theory Pass Academy.
6. XADGUDUBYADA
Theory Pass Academy waxay xaq u leedahay inay qaaddo tallaabooyin haddii la ogaado ama si macquul ah loogu tuhmo xadgudub.
Waxaan qaadi karnaa tallaabooyinka soo socda:
- Digniin.
- Hakinta account-ka.
- Xiritaanka joogtada ah ee account-ka.
- Joojinta gelitaanka dhammaan koorsooyinka.
- Diidmada iibsiyada mustaqbalka.
Go'aanka kama dambaysta ah waxaa iska leh Theory Pass Academy.
7. LACAG CELIN
Koorsadu waa adeeg dijitaal ah.
Marka gelitaanka koorsada la bixiyo, guud ahaan lacag celin lama bixiyo, marka laga reebo xaaladaha uu sharcigu waajib ka dhigo.
8. CUSBOONAYSIINTA KOORSADA
Theory Pass Academy waxay xaq u leedahay inay:
- Ku darto casharro cusub.
- Wax ka beddesho casharrada.
- Cusboonaysiiso su'aalaha.
- Hagaajiso ama beddesho qaabka koorsada.
9. NATIIJADA IMTIXAANKA
Theory Pass Academy waxay bixisaa koorso tayo leh oo loogu talagalay diyaarinta imtixaanka Körkort B.
Si kastaba ha ahaatee, guusha imtixaanku waxay ku xiran tahay dadaalka iyo diyaar-garowga ardayga, sidaas darteed ma dammaanad qaadi karno in arday kasta uu ku baasayo imtixaanka.
10. ISBEDDELKA SHURUUDAHA
Theory Pass Academy waxay xaq u leedahay inay cusboonaysiiso ama wax ka beddesho shuruudahan wakhti kasta.
11. NALA SOO XIRIIR
Haddii aad qabto su'aalo ama aad u baahan tahay taageero:
Email: [email protected]
OGGOLAANSHAHA
Markaad samaysato account ama aad iibsato koorsada Theory Pass Academy, waxaad xaqiijinaysaa inaad:
✅ Akhriday shuruudahan.
✅ Fahamtay.
✅ Oggolaatay inaad raacdo.
✅ Oggolaatay in Theory Pass Academy ay qaaddo tallaabooyinka ku xusan shuruudahan haddii xeerarka la jebiyo.